Parag-uma todas sa suwagan ng 2 kalabaw

LEGAZPI CITY – Nagkalasog-lasog ang katawan ng isang magsasaka nang pagtulungan ng nagsusuwagang dalawang kalabaw sa bayan ng Magallanes, sa lungsod ng Sorsoson.

Kinilala ang biktimang si Nestor Buenaflor, 63, ng Brgy. Siuton sa nasabing bayan.

Ayon sa ulat ng pulisya, sakay ang biktima ng kanyang kalabaw nang bigla na lamang mag-huramentado nang makasalubong ang isa pang kalabaw.

Kasunod nito, hindi na nagawa pang mapigilan ni Buenaflor ang biglang pag-aaway ng dalawang hayop.

Nagdesisyon ang biktima na awatin ang dalawang kalabaw dahil baka may mangyaring masama sa kanyang alaga.

Ngunit laking gulat umano ng biktima nang siya na ang pagtulungan suwagin ng dalawang kalabaw.

Walang nagawa ang mga nakasaksi habang pinagtutusok ng sungay at inapak-apakan ng dalawang kalabaw ang walang laban na biktima.

ni LAYANA OROZCO