Makisig, nag-aral na lang habang nasa awkward stage

ni  Rommel Placente

NASA awkward stage noon si Makisig Morales kaya hindi siya nabibigyan ng serye ng ABS-CBN 2. Pero ngayong 17 years old na siya, nahanapan na siya ng project na nababagay sa kanya. Isa siya sa casts ng Mira Bella.

Ayon kay Makisig, na-miss niya raw ang mag-taping ng isang serye.

“Actually, nakaka-miss po talaga mag-taping. Everytime na nasa bahay o nag-aaral ako, iba po ‘yung saya sa taping. Hindi ka napapagod, nag-e-enjoy ka lang. ‘Yun po ang nami-miss ko sa taping,” sabi ni Makisig.

Dagdag pa niya, “Pero ‘yun nga, habang naggu-grow ka, talagang dumaraan lahat at ‘di naman maiiwasan ‘yan. Ano, tuloy-tuloy ang buhay.”

Sa mga panahong hindi aktibo si Makisig sa pelikula at telebisyon, naging aktibo naman siya sa Singles for Christ at sa pag-aaral. First year college student siya ngayon, taking up Bachelor of Science in Business Administration.

“Active po ako ngayon, bukod sa pag-aaral ay ‘yung mission in spreading the words of the Lord. Member ako ng musical play tungkol sa buhay ni Pedro Calungsod. Natutuwa rin po ako kina Sir Biboy (Arboleda, AdProm head of ABS-CBN) na  nandiyan pa rin para sa amin, na kung may project na bagay sa amin, hindi kami nakakalimutang isama.”