HATAW! D'yaryo ng Bayan hatawtabloid.com
DAVAO CITY – Aabot sa P100,000 ang ibibigay na pabuya ni Davao City Mayor Rodrigo Duterte sa sino mang makapagbibigay ng impormasyon kung nasaan ang kinaroroonan at kung sino ang may hawak sa natitirang 14 blocks ng cocaine na nakuha mula sa container van ng Sumifru Philippines nitong nakaraang araw.
Ayon sa alkalde, maaaring i-text na lamang sa kanya o kay Davao City Police Office (DCPO) Director Vicente Danao, Jr., ang detalye at maaaring hindi na magpakilala ang impormante ngunit kaila-ngan niyang patunayan na siya ang nagpadala ng mensahe o tumawag sa kanila.
Mas malaki rin aniya ang ibibigay na gantimpala ng mayor sakaling mara-ming bloke rin ng cocaine ang mai-report ng impormante.
Muling pinaalalahanan ni Duterte ang mga nakakuha ng bloke-blokeng cocaine na mas mabuting isauli na lamang nila ito dahil malalaman rin naman niya kung planong ibenta ang nasabing illegal na droga. (LANI CUNANAN)
