Mira bella ni Julia Barretto, inilampaso nang husto sa rating ang katapat na show sa GMA

ni  Peter Ledesma

Sa pagsisimula ng Mira Bella nitong Lunes ay marami agad ang tumutok sa fantaseryeng pinagbibidahan ni Julia Barretto at bagong ka-love team na si Enrique Gil. Kaya naman sa pilot episode ay matinding inilampaso ng Mira Bella ang katapat na serye sa GMA na Paraiso Ko’y Ikaw. Humamig ng rating na 22 % ang show ni Julia mula sa Dreamscape Entertainment samantala halos mag-single digit na lang sa 10 % na rating ang programa ni Kim Rodriguez sa Kapuso. Ito ay base sa survey ng Kantar Media: National Ratings last March 24. Ganyan na kalakas ang dating ng Mira Bella, kahit hindi pa ipinakikita sina Julia, Enrique at Sam Concepcion. Siyempre 110% ay tataas pa ang rating ng nasabing fantaserye lalo pa’t maraming fans sina Julia at Enrique dito sa Pinas at ibang bansa plus isang malaking factor ‘yung plot ng story nito ay hindi pa napapanood ng tao.

Dahil bagong fantaserye ay exciting siyang panoorin. Matitindi ang mga pagsubok na pagdaraanan ni Mira, ang dalagitang nagmana ng sumpa sa pagkakaroon ng balat tulad sa isang kahoy. Abangan, kung papano sila pagtatagpuin ng panahon ni Jeremy (Enrique) ang lalaking minahal siya sa kanyang kaanyuan o itsura. Mapapanood ang Mira Bella tuwing hapon bago mag-TV Patrol sa Primetime Bida.