HATAW! D'yaryo ng Bayan hatawtabloid.com
ni Maricris Valdez Nicasio
BONGGA talaga ang Dyesebel ni Anne Curtis. Bukod kasi sa napakagandang buntot na ginagamit ng aktres at lugar na pinaglalanguyan nila (Coron, Palawan), bongga rin ang kakanta ng theme song nito.
Naibalita na namin kamakailan na si Lea Salonga ang kakanta ng theme song ng Dyesebel bukod pa sa inawit ni Yeng Constantino.
Last Friday, March 21, naganap na ang recording ng Tony awardee at Broadway Diva para nga sa theme song na may titulong Ang Tangi Kong Kailangan. Orihinal na komposisyon ito nina Francis at Carla Concio.
At pagkatapos na pagkatapos makapag-record ni Lea, agad namang isinunod ang music video shoot kaya tiyak na mapapanood na ito soon handog ng Dreamscape Entertainment Television ng ABS-CBN2.
Ayon kay Eric John Salut, Publicity manager ng Dreamscape, ito ang unang pagkakataon na nag-record si Lea ng theme song para sa isang Philippine teleserye. Kaya naman malaking karangalan ito para sa bumubuo ng Dreamscape gayundin sa ABS-CBN2.
Kaya abangan na lang natin ang bonggang launching ng OST ng Dyesebel!
Sa kabilang banda, muling nagwagi sa ratings game ang Dyesebel noong March 20. Ayon sa datos ng Kantar Media, may 33.1 percent ang ratings ng teleserye ni Anne Curtis, samantalang ang katapat nitong programa sa GMA7 na Kambal Sirena ay nakakuha lamang ng 18.9.
Wagi rin ang Ikaw Lamang nina Coco Martin, Kim Chiu, Jake Cuenca, at Julia Montes na mayroong 29.3 percent ratings laban sa Carmela ni Marian Rivera na mayroon lamang 19.8 percent.
Talagang kahit anong gawing langoy ng Kambal Sirena at pagpapaganda ni Carmela, wala itong binatbat sa Dyesebel at Ikaw Lamang!
