HATAW! D'yaryo ng Bayan hatawtabloid.com
ISINUGOD sa Ospital ng Makati si Janet Lim-Napoles nang sumakit ang tiyan makaraan ang pagdinig kahapon sa Makati RTC Branch 150 kaugnay ng kanyang petition for surgery at hospitalization.
Ayon kay Judge Elmo Alameda, kabilang sa kanilang pinagpilian ang Philippine General Hospital (PGH), Veterans Memorial Medical Center (VMMC) at East Avenue Medical Center.
Ngunit bigo ang kampo ng negosyante sa paggiit nilang dapat ay sa pribadong pagamutan dalhin ang kanilang kliyente.
Una rito, personal na iniharap ng kanyang mga abogado si Napoles sa korte para personal na ipakiusap na makapagpagamot na siya dahil mahigit isang buwan nang pagdurugo dahil sa bukol sa kanyang matris.
Naiyak pa si Napoles habang umaapela kay Alameda na bigyan na siya ng clearance para madala sa private hospital. (KARLA OROZCO)
