HATAW! D'yaryo ng Bayan hatawtabloid.com
CAMP OLIVAS, Pampanga – Arestado ang tatlong hinihinalang big boss ng drug den gayundin ang 15 iba pa sa anti-drug operations ng pulisya at PDEA sa pakikipagtulungan ng Philippine Airforce sa Olongapo City.
Kinilala ni Supt. Frankie Candelario ng PRO3 Anti-Illegal Drug Task Group ang mga suspek na sina Daniel Gregorio alyas Baliw, Erwin Diva, alyas Alex Santos, at Richard Formento, alyas Richard, pawang mga residente ng Purok 1, ng Brgy. Sta. Rita.
Dinampot din ang 15 katao na naaktuhan sa pagsalakay na pawang nakompiskahan ng marijuana bricks, shabu at iba’t ibang drug paraphernalia.
Ayon sa mga awtoridad, ang pagsalakay sa drug den nina Gregorio, Diva, at Formento ay batay sa mga reklamo ng mga residente sa lugar.
(RAUL SUSCANO)
