HATAW! D'yaryo ng Bayan hatawtabloid.com
KASONG robbery at acts of lasciviousness ang kinakaharap ng jeepney driver na nangholdap at nanghipo sa dibdib ng 20-anyos service crew, sa Las Piñas City, kamakailan.
Nasakote ng mga tauhan ng Las Piñas police ang suspek na si Ryan Elaida, 29, ng Blk. 11, Lot 14, Admiral St., Saint Louie Village, Brgy. Ta-lon 4.
Kinilala ang suspek sa pamamagitan ng closed circuit television (CCTV) ca-mera na nakahagip sa kanya nang ihatid ang biktima malapit sa kanyang bahay sa 29 Taurus St., Pamplona 2.
Sa report na natanggap ni Las Piñas police chief, Sr. Supt. Adolfo Samala, sumakay ang biktimang si Sylvia, ‘di tunay na pangalan, sa minamanehong jeep ng suspek mula sa pinapasukang resto bar at naupo sa tabi ng driver’s seat.
Habang binabagtas ang Zapote-Alabang, biglang ipi-narada ng suspek sa madilim na bahagi ng Southland ang jeepney at nagdeklara ng holdap.
Nanlaban at sumigaw ang biktima pero maagap ang suspek at agad binu-salan ang kanyang bibig at hinataw ng coin box sa ulo saka kinuha ang lahat ng kanyang personal na gamit.
Hindi pa nasiyahan, pinaghihipuan pa ni Elaida sa dibdib ang dalaga, bago kinombinsi na ihahatid siya malapit sa kanyang bahay.
Kinabukasan, tinawagan ang biktima ng suspek at sinabing magkita sila.
Pumayag ang dalaga pero ipinadakip na sa awtoridad ni Elaida.
(JAJA GARCIA)
