HATAW! D'yaryo ng Bayan hatawtabloid.com
KIDAPAWAN CITY – Patay ang limang miyembro ng New People’s Army at dalawang sundalo sa sagupaan dakong 10 a.m. kahapon sa lalawigan ng North Cotabato.
Ayon kay Captain Ernest Carolina, Spokesman ng 10th Infantry Division Philippine Army, tinutugis ng mga tauhan ng 1002nd Brigade Phil. Army ang mga rebelde na sangkot sa pananalakay sa Matanao, Davao del Sur at tumakas sa Sitio Tinodos, Brgy. Manobisa, Magpet, North Cotabato.
Papalapit pa lamang ang mga sundalo sa kuta ng mga rebelde nang salubungin sila ng mga putok ng matataas na uri ng armas at landmine.
Dalawa agad sa mga sundalo ang namatay at ilan ang nasugatan sa enkwentro.
Ngunit gumanti nang todo ang 1002nd Brigade kaya lima sa mga rebelde ang binawian ng buhay at marami rin ang nasugatan sa kanilang panig.
(DANG GARCIA)
