HATAW! D'yaryo ng Bayan hatawtabloid.com
ni Maricris Valdez Nicasio
HINDI natinag sa number one slot ang teleserye ni Raikko Mateo, ang Honesto. Sinundan naman ito ng Ikaw Lamang. Ito ay ayon sa datos ng Kantar Media na isinagawa noong Marso 13, Huwebes base sa National TV ratings (rural/urban ratings).
Nakakuha ng 35.5 percent ang Honesto laban sa katapat nitong programa ng GMA 7 na Kambal Sirena na mayroon lamang 16.2 percent, samantalang ang Ikaw Lamang ay mayroon namang 30.6 percent laban sa 16.8 posiyento naman ng Carmela.
Patunay na simula nang mag-umpisa ang Honesto at Ikaw Lamang, hindi sila natitinag ng kanilang mga katapat na programa.
