HATAW! D'yaryo ng Bayan hatawtabloid.com
ni Maricris Valdez Nicasio
“HINDI kami galit!” ito ang tinuran ni Ai Ai delas Alas nang makausap siya ng ilang entertainment press pagkatapos ng presscon proper ng pinakamalaking teleserye ng taon, ang Dyesebel na pagbibidahan ni Anne Curtis.
Iginiit pa ni Ai Ai na huwag na siyang tanungin pa ukol kay Kris Aquino dahil lumalaki lamang daw iyon na wala namang kuwenta. “Manahimik na lang,” anang pa ng Veteran comedienne. Ito ay bilang sagot ukol sa usaping hindi pa sila okey ng kanyang kaibigang si Kris.
Follow-up lamang ang tanong na ito nang may nagtanong kay Aiai kung willing ba siyang mag-guest sa Aquino & Abunda Tonight, ang show nina Kris at ng kanyang manager na si Boy Abunda.
“Oo, willing naman ako. Willing naman ako, oo naman, wala naman sa akin ‘yon. Alam naman natin na marami kaming pinagsamahan ni Kris.
Pero mas gusto raw niyang si Kuya Boy ang mag-interbyu sa kanya.”Kung si Kris ang mag-i-interview? Okey lang. Pero mas maganda kung si Boy na lang, oo siyempre ama ko ‘yon. Huwag kayong ganyan, intrigera kayo,” sagot pa niya.
Nag-ugat ang usapang hindi okey ang magkaibigang Ai Ai at Kris nang hindi nakapunta ang una sa burol ng biological mother ng huli dahil nasa London noon si Kris.
