Isabel, crush na si John, ‘di pa man siya artista

ni  Roldan Castro

MAY rebelasyon si Isabel Oli sa Ihaw Na segment ng Banana Nite.

Noong nasa G-Mik pala si John ay crush na niya ang binata. Wala pa siya sa showbiz noon at nasa Cebu pa.

“College pa ako noon gusto ko na talaga siya. Nasa ‘G-Mik’ yata siya noon. Kasi I’m older eh. Wala na siyang braces,” pahayag niya.

Si Isabel ang sinasabi ngayon ni John na gusto niyang pakasalan. Pareho kasi silang in love. Bukod dito, maalaga si John sa girlfriend, mabait, sweet at positibo  ang outlook sa buhay.

Very vocal din si Isabel na ready na rin siyang mag-asawa. Ang gusto niya kasi sa relasyon ay seryosohan, may plano ang paglagay sa tahimik.

Anyway, sa dalawang huling Linggo ng Annaliza ay makikita kung kakampi ba o kaaway siya sa buhay ni Annaliza (Andrea Brillantes).