HATAW! D'yaryo ng Bayan hatawtabloid.com
PINANGANGAMBAHANG itatapon na lamang sa dagat ang tinatayang 239,000 sako ng SMUGGLED RICE sa Port of Cebu dahil sa namamaho na ang mga ito at kahit daw aso ay hindi na ito kayang kainin.
Ayon kay deputy collector for administration Paul Alcazaren, posibleng hindi na pwedeng kainin ng tao ang nasabing bigas na PARATING mula sa Vietnam noon pang nakaraang taon.
Sinabi naman ni Customs Operations Officer 1 Ricardo Collantes na ang 239,000 sako ng bigas ay nasa loob ng 478 container vans na kabilang sa 520 “lata” na sinasabing OVERSTAYING na Cebu International Port. MATATANDAAN na mula Marso 22 hanggang Abril 3 ng nakaraang taon ay dumagsa ang PARATING NA BIGAS sa Port of Cebu na tinatayang aabot ng P1.2 bilyon ang halaga na nasa loob ng 1,061 container vans.
Sinabi ng isang customs broker na namamaho na ang mga bigas dahil sa paiba-ibang klema ng panahon na kung minsan ay napakainit sa Cebu at bigla na lang bumubuhos ang ulan.
Aniya, walang sinumang MATINO ANG UTAK na sasali sa bidding sa pagsubasta ng nasabing bigas dahil hindi na mapakinabangan ang mga ito. Samantala, bago pa man nag-LEAVE kahapon si Port of Cebu district Collector Roberto T. Almadin ay tiwala pa rin siyang makukuha mula ang collection target ngayong buwan ng Marso.
Ayon kay Almadin, sa gitna ng kanyang pinatutupad na MGA REPORMA ay nakakolekta ang Port of Cebu ng mahigit P1-BILYON o eksaktong P1,151,778,228 sa harap ng itinoka sa kanila na P941,989,000 collection target para sa buwan ng Pebrero.
UMABOT sa mahigit P209-MILYON ang naging surplus collection ng Port of Cebu kaya saludo kami sa inyo, Collector Almadin!
Junex Doronio
