HATAW! D'yaryo ng Bayan hatawtabloid.com
ni Maricris Valdez Nicasio
“SHE has never look as beautiful as today. She’s very beautiful with her short hair. She looks good and I’m proud of her,” ani Matteo Guidicelli patungkol sa maigsing buhok ni Sarah Geronimo.
Nang tanungin muli ang binata ukol sa umano’y sinasabing sanhi iyon ng pagrerebelde ni Sarah sa kanyang mga magulang dahil sa umano’y ayaw ng mga ito sa kanilang relasyon, sinabi ng batang aktor na, “I don’t know. Like all of us we say and I say she looks hot.”
Tila naman umiwas sagutin nang diretso ni Matteo ang tanong ukol sa umano’y break-up nila ni Sarah. “Rumors are always rumors. Basta everything is positive and we keep it positive, it’s okay, everything is happy.”
Samantala, pawang maaksiyon, emosyonal, at nakagugulat na finale ang inihanda para sa mga manonood ng top-rating afternoon teleserye ng ABS-CBN, ang Galema: Anak ni Zuma.
Anim na buwan pala itong umere na nagsimula noong Setyembre 30, 2013 na sinubaybayan ng mga manonood. Dinamayan ng mga manonood si Galema sa iba’t ibang bahagi ng kanyang buhay—kasing-saya man ng natuloy nilang kasal ni Morgan (Matteo) o kasing-pait ng pagkakawalay niya sa anak niyang si Sophia.
Sa pagwawakas ng seryeng idinirehe ni Wenn V. Deramas, isang mahiwagang amulet ang magkakaroon ng kapangyarihang wakasan ang lahat ng panganib sa pamilya ni Galema.
Anong gagawin ni Galema kung sa kahuli-hulihang pagtutuos nila ng amang si Zuma (Derick Hubalde) ay malagay sa kapahamakan ang dalawa sa mga mahal niya sa buhay? Sa huli, matupad kaya ni Galema ang pinapangarap niyang buo at normal na buhay para sa kanyang pamilya?
Ang Galema: Anak ni Zuma, ay halaw sa sikat na Pinoy komiks series na isinulat ni Jim Fernandez.
Tampok din sa Galema: Anak ni Zuma sina Sunshine Cruz, Sheryl Cruz, Carlos Morales, Divina Valencia, Lito Legaspi, Joey Paras, Dante Ponce, Bryan Santos, at Meg Imperial. Huwag palampasin ang makamandag na pagtatapos nito sa Marso 28 (Biyernes), pagkatapos ng Kapamilya Blockbusters sa Kapamilya Gold ng ABS-CBN.
