Meg, bida na sa Moon of Desire!

ni  Reggee Bonoan

HALOS maiyak sa tuwa si Meg Imperial nang maging bida siya sa pelikulang Menor de Edad sa Viva Films at mapasama na siya sa mga seryeng Galema:  Anak ni Zuma, Please Be Careful With My Heart, naka-dalawang episode ng Maalaala Mo Kaya at nagkaroon ng guestings sa ASAP at It’s Showtime at muling nabigyan ng magandang papel sa pelikulang ABNKKBSANPLAKO?

Ayon kay Meg, nakare-relate siya sa pelikulang Ekstra ni Batangas Governor Vilma Santos-Recto dahil naranasan niya ang maging ekstra.

Nag-umpisang maging ekstra si Meg sa edad na 10-taong gulang.

“Hindi ko po napanood ‘yung movie, ikinuwento lang sa akin at talagang relate na relate po ako roon kasi naranasan ko.

“Nasubukan ko lahat, like passers-by lang ako kina Ms LT (Lorna Tolentino), then naging sorority friend lang ako ni Valeen Montenegro during ‘Isabela’ (serye ni Judy Ann Santos) before, naging talent lang ako na nagligtas kay Albert Martinez during ‘Maria Flor de Luna’ and I don’t think matatandaan ninyo kasi talagang talent lang ako, tapos may line na ibinigay, opps, may line ka.

“Rati po kasi wala akong network before kaya kung saan-saan ako nagiging passers-by, nag-channel 4 pa nga po ako, like PCSO project, mga ‘yun.

“Hanggang nakilala ko po si tita Chit Ramos at binigyan ako ng card para mag-audition bilang batang Bea Alonzo at pumila po ako sa ABS-CBN, isa sa 200 na applicants pero rejected po ako.  Iyon po ang first rejection ko na nag-audition ako.

“Hanggang sa nakahiligan ko na pong mag-audition, tuloy-tuloy na hanggang sa na-enjoy ko at nag-workshop ako ganoon,  hanggang sa nagkaroon ng bit roles then nag-workshop dito sa ABS bago ako nag-TV5 tapos bumalik lang ako ulit ng ABS,” mahabang kuwento ni Meg sa solo presscon niya kahapon para sa panghapong seryeng Moon of Desire na kapalit ng Galema:  Anak ni Zuma.

At dahil virginal beauty ang dating ni Meg kaya natanong ang dalaga kung may karanasan na siya sa sex at indirect niyang sinagot ng ‘wala pa’.

Kaya ang tanong namin ay paano niya nagawang i-arte ang papel niya sa Moon of Desire na isang sexy at may mga bed scene pa sa mga leading man niyang sina JC de Vera, Miko Raval, at Dominic Roque.

“Totoo po na (nahirapan) ako, pero hindi ko naman po sinagot ng diretso na virgin ako kasi ayokong masabihan ng ano, kasi parehas, may negative, may positive ang sagot ko, so ayoko na lang pong magsalita.

“Hirap po (eksena) kasi lumaki akong nasa bahay lang, si mom ko kasi is very strict na ang gusto niya ay lagi ko siyang kasama sa tapings.

“So, nakatutulong po sa akin ‘yung pagtatanong, panonood ng movies, plus advise kung paano ang tamang atake, ano pakiramdam. Weird lang siya kapag tinanong mo,” paliwanag ng dalaga.

Nagkaroon na raw ng boyfriend si Meg, “nagkaroon naman po, pero hindi umabot sa point ng gaya ng iniisip ng ibang tao,” diretsong sagot ni Meg sa amin.

Sino ang most desirable sa tatlong leading man sa Moon of Desire?

“Si JC. Physically, bumagay sa katawan at kulay niya ang personality niya. Mas kilala ko rin siya kaysa kina Dom at Miko. Nakadagdag din ‘yung pagiging mahusay ni JC sa larangan ng pag-arte,” pagtatapat ng dalaga.

Anyway, mapapanood na ang Moon of Desire sa Marso 31, Lunes kasama si Ellen Adarna na isa rin sa magpapaluwa ng mga mata sa mga manonood.