Mike, may project muli sa GMA

Ed de Leon

NATUWA naman kami nang makita naming kasama pala si Mike Tan doon sa isang show sa GMA7. Hindi si Mike ang bida, support na naman siya sa seryeng iyan, pero mas mabuti na iyon kaysa kagaya ng dati na ni wala siyang ginagawang projects ng ilang buwan.

Nanghihinayang kami riyan kay Mike dahil marami na kaming napanood na palabas niya sa TV ay magaling naman siyang umarte. In fact, masasabi naming mas mahusay siyang actor kaysa maraming nabibigyan ng mas malalaking breaks.

May fan base rin naman si Mike. Habang nagma-mature makikita mo na mas nag-i-improve pa ang kanyang hitsura. Maganda naman ang image. Hindi mo nababalitaang nasasangkot saan mang gulo. Medyo mailap lang talaga sa kanya ang malalaking breaks.

Pero mabuti na iyan na nakikita naman siya ng mga tao, kaysa wala.