HATAW! D'yaryo ng Bayan hatawtabloid.com
ni Reggee Bonoan
HINDI pa ba pinapayagang magka-boyfriend si Empress Schuck ng magulang niya o ng manager niyang si tita Becky Aguila?Kaya namin ito naitanong ay dahil matagal na naming alam na crush nina Empres at Joseph Marco ang isa’t isa at alam din naming kakaiba ang tinginan nila kapag magkasama sila.
Pero sa hindi malamang dahilan ay parang hindi natuloy o hindi lang namin alam ang panliligaw ng kuya ni Raikko Mateo sa seryeng Honesto na nagtapos na kagabi kay Empress.
At sa tuwing nakikita namin si Empress sa bahay ng non-showbiz friends niya ay wala naman si Joseph o hindi naman nila napag-uusapan.
Sa madaling salita, hindi nag-prosper ang pagpapa-cute nila sa isa’t isa?
Anyway, sa isang panayam kay Marco ay inamin niyang inspirasyon niya si Empress dahil girlfriend material daw ito.
Ano kaya ang sagot ni Empress dito?
