Masarap maging bata

TUTOK lang sa GMA News TV program na Gandang Ricky Reyes Todo Na Toh (GRR TNT) dahil isang espesyal na panoorin ang sasainyo ngayong Sabado, 9:00-10:00 a.m..

Dalawang tinaguriang “child wonder” ng Philippine cinema ang sorpresang makakapanayam ni Mader Ricky Reyes. Malalaman natin mula sa kanila kung ‘di ba naapektuhan ng kanilang pagtratrabaho sa murang edad ang kanilang paglaki at kabataan? Nagsisisi ba sila na ‘di natikman ang karaniwang ginagawa ng mga bata tulad ng paglalaro, regular na pagpasok sa eskuwelahan,  at pakikibarkada sa mga kaedad dahil agad nasabak sa harap ng kamera?

Ilan sa mga child superstar ng kanilang henerasyon sina Tessie Agana, Snooky Serna, Nino Muhlach, Matet de Leon, Serena Darlymple. Camille Pratts, Angelica Panganiban, at Aiza Seguerra. Masasagot ba nila ang tanong na, masarap bang maging bata?

Tampok din sa GRR TNT ang isang 25-anyos na binata na kahit sa murang edad ay nagkaroon ng “autism” at nagpakita ng kahenyuhan sa pagtugtog ng iba-ibang musical instruments.

Ipakikita naman ni Mader ang iba-ibang paraan ng “rejuvenation” o prosesong pampabata. Siyempre pa, maraming tao lalo na mga babae ang nagnanais maging “forever ganda.”

May interbyu rin sa isang batang may diabetes na matapos uminom ng food supplement na Organique Acaiberry ay gumaling. “Wonder drug” ba ito?  Hayaan ninyong ang youngster na ito ang magpatunay.

Basta usapang tungkol sa kagandahan, kalusugan, tagumpay, at kabuhayan, ang GRR TNT prodyus ng ScriptoVision ang programang para sa inyo.