Ruby Tuason umalis uli ng PH — BI

KINOMPIRMA ng Bureau of Immigration (BI), nakaalis na ng Filipinas si Ruby Tuason, dating social secretary ni dating Pangulo at ngayo’y Manila Mayor Joseph Estrada, at tinaguriang provisional witness sa P10 billion na pork barrel scam.

Sinabi ni BI Spokesperson Maan Pedro, si Tuason ay umalis ng Filipinas noong Marso 2 lulan ng Cathay Pacific patungo ng Hong Kong.

Si Tuason ay dumating sa Filipinas noong Pebrero 7, 2014 mula sa Amerika makaraang siya ay magpahayag ng kahandaan na isiwalat ang kanyang nalalaman sa pork barrel scam.

Sa rekord ng BI, si Tuason ay babalik ng Filipinas sa Abril 5. Gayunman, hindi idinetalye ni Pedro ang pakay ni Tuazon sa pagtungo sa Hong Kong.