Paulo, aminadong nag-uusap sila ni LJ para sa anak

ni  Alex Datu

NAGUSTUHAN ng press ang pagiging accommodating ni Paulo Avelino at lahat ng tanong sa kanya ay sinagot na walang patumpik-tumpik na iniisip muna ang sasabihin para hindi mapasama ang kanyang imahe.

Tema ng usapan ay ukol sa kung naloko na ba siya? Umamin siya na naloko na minsan ng isang minamahal noong medyo bata pa. Nalaman nito na maraming lihim ang nasabing girl at isa-isa nitong nalaman habang umuusad ang kanilang relasyon lalo pa’t may mga taong involved na naglalabasan. Non-showbiz girl daw ito.

Open din siyang pag-usapan si LJ Reyes na ngayon ay may kanya-kanya nang buhay na tinatahak. Ang tanging nagbubuklod sa kanila ay ang kanilang anak kaya kailangang open ang kanilang communication.

Inamin din nitong may panahon na halos manligaw siya kay KC Concepcion at hanggang ngayon ay patuloy pa rin ang kanilang komunikasyon kahit nasa ibang bansa ang aktres. ”Busy siya sa kanyang pag-aaral sa abroad at ako naman ay busy sa aking schedule kaya kulang kami ng oras na mag-communicate.”