HATAW! D'yaryo ng Bayan hatawtabloid.com
PATAY ang empleyada ng isang kompanya nang pagbabarilin ng apat lalaking lulan ng dalawang motorsiklo ang sinasak-yan niyang SUV maka-raang manggaling sa banko sa Brgy. Sta. Cruz, bayan ng Guiguinto, Bulacan.
Isinugod sa Bulacan Polymedic Hospital ang biktimang si Evelinda Tamares, 52, residente ng Brgy. Bunlo, sa bayan ng Bocaue, sa lalawigang ito, ngunit idineklarang dead on arrival ng mga doktor.
Sa imbestigasyon ng pulisya, nag-withdraw ng P1.5 milyon ang biktima upang ipangsweldo sa mga empleyado ng kanilang kompanya nang sundan ng dalawang motorsiklo ang kanyang sasakyan.
Bunsod nito, pinabilis ng biktima ang pagpa-patakbo ng kanyang sa-sakyan ngunit pinagbabaril siya ng mga suspek.
Pagkaraan ay mabilis na kinuha ng mga suspek ang paper bag na naglalaman ng pera sa tabi ng biktima sa loob ng sasak-yan at saka mabilis na tumakas.
(DAISY MEDINA)
