HATAW! D'yaryo ng Bayan hatawtabloid.com
NAKUHA ng isang mananaya ang mahigit P89 milyong jackpot prize sa 6/49 Super Lotto, habang wala pang nakakuha sa kombinasyon ng 6/55 Grand Lotto na magkasunod binola kamakalawa ng gabi, sa tanggapan ng Philippine Charity Sweepstakes Office (PCSO) sa PICC, Pasay City.
Sinabi ni PCSO General Manager Jose Ferdinand Rojas II, taga-Lipa City, Batangas na tumaya ng lucky pick ang kukubra sa P89,065,812.00 premyo ng 6/49 Super Lotto matapos makuha ang kombinasyong 30-44-45-07-39-48.
Inaasahang lolobo sa mahigit P77 milyon ang jackpot prize ng 6/55 Grand Lotto matapos wala isa mang nakasungkit sa kombinasyong 54-17-28-55-23-05 na may premyong P72,648,656.00.
Samantala, tinanggap na ng 33-anyos waiter ang P13,919,766 premyo na kanyang napanalunan sa Lotto 6/42.
Tinamaan ng waiter winning digits na 04-08-11-12-20-21.
Nabatid na dalawa silang nanalo na naghati sa P27,893,532 jackpot, at ang isa ay mula sa Lucena City.
(JAJA GARCIA)
