Cristine, nakikipagbalikan kay Rayver (Rayver, ‘di na tinanggap ang aktres)

ni  Reggee Bonoan

SAYANG at hindi kami nakarating sa finale presscon ng Honesto kahapon para sana natanong si Cristine Reyes tungkol sa tsikang binabalikan niya ang ex-boyfriend na si Rayver Cruz.

Ang tsika sa amin ay nakipagkita raw si Cristine kay Rayver bago mag-Valentine’s Day para makipagbalikan, pero hindi na tinanggap ng aktor ang aktres dahil mas magandang maging magkaibigan na lang sila.

Dagdag kuwento pa, “love na love pa ni AA si Rayver at inamin naman na siya ang nagkamali at sana maging okay na ulit sila at nangakong hindi na uli magiging pasaway.

“Eh, umayaw na si Rayver kasi naka-move on na raw siya at hanggang friendship na lang ang mai-offer niya kay AA.”

Pero hindi naman daw itinanggi ni Rayver na mahal pa rin niya ang dating karelasyon, ‘yun nga lang, ayaw muna nitong magka-dyowa.

May isang kuwento pang nakarating sa amin na madalas daw magkasama ngayon sina Rayver at Cristine dahil ang aktres mismo ang nagre-request sa aktor na samahan siya. Susme, eh, ‘di parang may mutual understanding ulit sila? Sana lang maging honest si AA sa tsikang siya mismo ang bumalik kay Rayver na hindi naman siya tinanggap since malapit na rin lang naman magtapos ang seryeng Honesto nila nina Paulo Avelino at Raikko Mateo.