Illegal recruiter arestado sa Rizal

ARESTADO sa entrapment operation kahapon sa Rodriguez, Rizal ang 32-anyos hinihinalang illegal recruiter makaraang ireklamo ng 17 sa 70 niyang mga biktima na pinangakuan ng trabaho sa Canada.

Kinilala ni Supt. Samuel Delorino, hepe ng Rodriguez Police, ang suspek na si Anna Marie Consulta y Carinan, 32, nakatira sa #20 Amorsolo St., San Lorenzo Village, Brgy. San Lorenzo, Makati City.

Ang suspek ay inireklamo ng illegal recruitment ng mga biktimang sina Aldrine Lavitoria, Leonila San Juan, Marvin Garcia, Alvin Magat, Armando Guileen, Mark Vicente, Angelo Garci, Eliseo Rivera, Rolando Domingo, Analina Adriano, Darwin Olino, Mary Jane Inocentes, Norman Daguno, Jonathan Asiong, Amadeuz Bondalian at Ana Clariz Bondalian, pawang nakatira sa bayan ng Rodriguez.

Ayon sa imbestigasyon ni SPO1 Noel Pineda, naaresto ang suspek dakong 4 p.m. kamakalawa sa ikinasang entrapment operation sa E. Rodriguez Highway, Brgy. San Jose ng nabanggit na bayan.                      (ED MORENO)