Timing ng paglabas ni Roxanne, kinukuwestiyon

ni  RONNIE CARRASCO III

MEANWHILE, A certain Roxanne Acosta surfaced out of nowhere, nireyp din daw siya ni Vhong noong 2010.

A former beauty pageant hopeful, artikulada ang 24 year-old na babaeng ‘yon na eksklusibong nakapanayam ng isang GMA reporter who earlier withheld her name pero pumayag na rin ang umano’y biktima to be identified.

Ayon kay Atty. Alma Mallonga, abogado ni Vhong, they have yet to see the copy of Roxanne’s sworn affidavit para magbigay ng kaukulang tugon dito. Pero kinuwestiyon naman niya ang timing ng paglantad ni Roxanne.

Hindi na bago ang pagsulpot ni Roxanne (or Rhodora?) or perhaps any other alleged rape victim, as Cedric Lee previously indicated that there were other girls na pinagsamantalahan din umano noon ni Vhong.

Categorically though, mismong ang abogado rin nila ni Deniece na si Atty. Howard Calleja told the media na hindi na raw kailangan pang isama sa kanilang depensa if there are indeed other complainants. Mas nakatutok daw kasi ang kanilang atensiyon sa kasong rape na isinampa ni Deniece.

Four long years have passed, bakit ngayon lang lumabas sa kanyang lungga ang Roxanne Acosta na ‘yon? Mahigit isang buwan nang pinagpipiyestahan ang isyung sangkot sina Vhong, Deniece, Cedric et al, why did Roxanne seem to bide her time so conveniently ng wala man lang ginawang kaukulang hakbang to make Vhong pay for the crime of rape he allegedly committed?