HATAW! D'yaryo ng Bayan hatawtabloid.com
ISINAMA na sa sikat na noontime show ng GMA 7 na Eat Bulaga ang dating VJ ng MYX music channel na si Joyce Pring.
DJ Joyce ang tawag sa kanya ng mga Dabarkads na palaging nanonood sa TV at sa studio at mula noong inilagay siya sa show ay marami na ang kanyang fans na gustong-gustong gayahin ang kanyang maigsing buhok at seksing pagbibihis.
Bukod sa pagiging VJ ay naging singer si Joyce kaya minsan ay isinasama siya sa mga production number ng Eat Bulaga tuwing Sabado.
Sa aming pakikipag-usap kay Joyce habang nanood siya ng laro ng basketball sa Araneta ay sinabing nagiging close na siya sa kanyang mga co-host sa EB, lalo na kay Ryzza Mae Dizon at wish niya na maging guest siya sa show nito na napapanood bago ang EB.
ni James Ty III
