HATAW! D'yaryo ng Bayan hatawtabloid.com
PATAY ang isang 31-anyos lalaki, habang sugatan ang kanyang ka-live in, matapos paulanan ng bala ng hindi nakilalang mga suspek sa Binondo, Maynila, kamakalawa ng gabi.
Patay na nang idating sa Justice Jose Abad Santos General Hospital (JJASGH) si Hadrahyar Dimatingcal, mananampalataya ng Islam, ng Muelle De Industria St., Binondo, sanhi ng tama ng bala sa mukha at katawan.
Nakaratay sa nasabing pagamutan ang live-in partner ni Dimatingcal na si Roxanne Lewis, 21, tinamaan ng ligaw na bala sa likod.
Sa isinagawang imbestigayson ni SPO1 Richard Escarlan, ng Manila Police District-Homicide Section, dakong 7:45 ng gabi nang pasukin ng dalawang suspek na nakilala lamang sa mga alyas Topeng at Mama ang mga biktima.
Pagkapasok ng mga suspek sa kwartong inuupahan ng mag-live in sa ikatlong palapag ng RGC Building sa #305 Muelle De Industria St., sa Binondo, agad pinaputukan ang mga biktima ng dala nilang kalibre .45 baril.
Tinamaan sa mukha at iba pang bahagi ng katawan ang biktima at nang matiyak na patay na si Dimatingcal, mabilis na tumakas ang mga suspek, sakay sa nakaan-tabay na dalawang motorsiklo.
Narekober sa crime scene ang pitong basyo ng bala at isang live ammo mula sa calibre .45 baril.
ni leonard basilio
