HATAW! D'yaryo ng Bayan hatawtabloid.com
Nilinaw ni Atty. Raymond Fortun na tagapagsalita lang siya ni Cedric Lee.
Si Cedric Lee ang itinuturong pinuno ng grupong nambugbog sa aktor /TV host na si Vhong Navarro at kaibigan nito ang model na si Deniece Cornejo na sinasabing tinangkang gahasain ni Navarro.
“Spokesman lang po ako. Malinaw po ‘yan dun sa aming usapin ni Cedric na ‘yung mga abogado niya ngayon sila pa rin ang tatayong representante sa husgado sa lahat ng inihuhusga laban sa kaniya,” sabi ni Fortun.
Ani Fortun, naniniwala siya sa isinalaysay sa kaniya ni Lee at nakiusap sa publiko na hintayin na lang ang counter affidavit na isusumite ng kampo ni Lee at Cornejo sa preliminary investigation sa Pebrero 14.
Samantala, binitiwan na ni Atty. Dennis Manalo ang kaso ng actor/ TV host na si Vhong Navarro.
Sinabi ni Manalo, nakipagkasundo siya sa iba pang mga abogado ni Navarro na bibitiw na siya sa kaso dahil sa bigat ng iba pang mga kasong hinahawakan niya sa ngayon.
“Hindi na po ako magiging involved totally. I have already given my share in the investigative process. Nakalatag na ‘yung ebidensiya and as far as the case is concern the matter will already go through formal process of the preliminary investigation,” paliwanag ng abogado.
Isa sa mga tumata-yong abogado ni Navarro ay si Alma Mallonga.
