Saturday , April 5 2025

Testigo ni A1 tinodas sa tabi ng 3 anak

120813_FRONT

120613 A1 witnessPINATAY kahapon si Elena Miranda (babae sa larawan), ang prime witness sa pagpaslang kay Domingo “A1” Ramirez noong May0 26. Si Ramirez ay kilalang leader ng Alab ng Mamamahayag (ALAM) sa Baseco na nakatakdang tumakbo sa halalang pambarangay nitong nakaraang Oktubre bago siya pinaslang. Humalili sa kanyang pagtakbo ang anak na si Aljon “A1” Ramirez (ang lalaki sa larawan), masugid din na sinuportahan ni Miranda. (BRIAN BILASANO)

“Anak may tama ako!”

Ito ang huling salita na binigkas ng isang 45-anyos ginang sa kanyang bunsong anak na babae nang barilin sa loob mismo ng kanilang bahay sa Baseco Compound, Port Area, Maynila, iniulat kahapon.

Dead on the spot ang biktimang si Elena Miranda ng Block 5, Old Site, Baseco Compound, habang tinukoy  ang suspek na isang alyas Ruel, na mabilis tumakas matapos ang pamamaril.

Sa imbestigasyon ni SPO3 Rodelio Lingcon ng Manila Police District Homicide Section, dakong 1:00 ng madaling-araw nang pasukin ng suspek ang bahay ng biktima na natutulog katabi ang tatlong anak.

Agad umanong bumunot ng hindi natukoy na kalibre ng baril ang suspek saka ipinutok na tumama sa kanang pisngi at kanang leeg ng biktima na agad niyang ikinamatay.

Ang biktima ay isa sa mga principal witness sa kaso ng pamamaslang kay Domingo “A1” Ramirez noong May 26.

Si A1 ay kilalang leader  ng Alab ng Mamamahayag (ALAM) at nakatakdang tumakbo sa barangay election nitong nakaraang Oktubre pero hindi naisakatuparan dahil sa pagpatay sa kanya.

Sa halip, tumakbo ang anak ni A1 na si Aljon “A1” Ramirez ngunit tinalo ng incumbent/suspended barangay chairman  na si Cristo Hispano.

Ang BASECO ay isa sa mga lugar na iniulat na nagkaroon  ng talamak na vote buying nitong nakaraang eleksiyon.

ni leonard basilio

About hataw tabloid

Check Also

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Leave a Reply

Your email address will not be published. Required fields are marked *