HATAW! D'yaryo ng Bayan hatawtabloid.com
INALIS na ni House Speaker Feliciano Belmonte sa House appropriations committee ang empleyado ng Kamara na sangkot sa kontrobersya ng pekeng Special Allotment Release Order (SARO).
Sinabi ni Belmonte na una nang inilipat si Jose Badong sa Office of the Secretary General ng Kamara habang isinasagawa ng NBI ang imbestigasyon sa fake SARO.
Ayon sa House leader, si Badong lamang ang kanilang inilipat dahil ang ibang congressional staff na nababanggit sa kontrobersya ay pawang staff na ng mga kongresista.
Si Badong ang napakiusapan ng staff ni Zamboanga City Rep. Lilia Nuño na si Emmanuel Raza na mag-abot ng SARO sa tanggapan ni Cagayan Rep. Baby Aline Vargas-Alfonso, partikular sa chief of staff nito.
Bagama’t binibigyang laya ni Belmonte ang NBI na magsiyasat, naniniwala siyang inosente rito ang dalawang mambabatas.
