HATAW! D'yaryo ng Bayan hatawtabloid.com
KALIWA’T KANAN ang bumabati kay Jasmin Curtis Smith dahil nag-number one sa trending ang bago niyang programang SpinNation, ang first social media music show na umere noong Sabado ng gabi sa TV5 dahil nagawang itawid ng dalagita ang isang oras nitong programa na halos siya lang ang dumadaldal.
Bukod sa followings ni Jasmine sa Twitter na mahigit isang milyon ay nag-tweet din ang ate Anne Curtis niya na may tatlong milyong followers kaya siguro sinuportahan ng todo ang SpinNation.
Pero bukod pala sa magkapatid ay sumuporta rin ang special friends daw ni Jasmin na si Sam Concepcion.
Naikuwento sa amin ng kampo ng TV host/singer na proud na proud daw si Sam kay Jasmin kaya’t tinanong namin kung bakit, “eh, kasi special friends sila.”
Special friends? Magsyota na?
“Eh, hindi naman inaamin pa, pero sa tingin namin, oo, sila na, ayaw lang aminin, pero okay na ‘yun kasi mabait at sweet si Jasmin sa lahat ng kaibigan ni Sam at siya lang ang ipinakilala ni Sam sa lahat, pati sa manager niyang si Carlo Orosa, dinala niya sa Stages at ipinakilala.
“Rati kasi noong si Coleen (Garcia) ang dyowa niya, hindi niya ipinakikilala, nalaman na lang namin na sila na, pero hindi pa rin nila inaamin, ha, ha, ha,” tumatawang kuwento sa amin ng kampo ng aktor.
Oo nga, ‘no? Wala kaming natandaang inamin ni Sam na naging girlfriend niya si Coleen at namumukod tanging sina Enrique Gil at Gab Valenciano lang ang umamin.
Anyway, type pala ni ni Coleen ang magagaling sumayaw, una si Enrique, tapos si Sam, sumunod si Gab at ngayon ay nail-link siya kay Billy Crawford na hindi naman daw niya boyfriend.
Anyway, going back to Sam and Jasmin, bagay na bagay naman sila, ‘di ba Ateng Maricris at in fairness dahil parehong English speaking bukod pa sa parehong sikat at may talent.
Reggee Bonoan
