Feng shui design

ANG terminong feng shui design at feng shui decorating ay madalas pinagpapalit-palit ang paggamit, ngunit mayroong banayad na pagkakaiba ang dalawang ito.

Ang pagkakaiba sa designing at decorating ay makikita sa mismong bahay na mayroon nito. Kailangan ng professional designer para makatulong sa pagpapatupad ng malalim na pagbabago sa bahay, habang sa madaling mga pagbabago ay maaaring magpatulong sa interior decorator.

Ang ibig sabihin ng good feng shui design ay bahay na itinayo para magkaroon ng mainam na pagdaloy ng enerhiya sa isip; ito ay mainam at matibay na pagdaloy.

Ang well designed feng shui house ay walang:

*Front door na naka-align sa back door

*Bedroom sa itaas ng garahe

*Bathroom sa itaas ng front door

*Hagdanan na nakaharap sa main door

*Bathroom sa itaas ng bedroom

Ito ay nangangahulugan ding ang bahay ay itinayo para magkaroon ng mainam na pagdaloy ng hangin at nakapapasok ang natural light sa bawat kwarto.

Ang ilan sa resulta ng bad feng shui design ay madaling maresolba kaysa iba. Halimbawa, maaaring maglagay ng air purifying plants o mag-invest sa smart lighting – o full spectrum lighting – habang hindi madaling mabago ang epekto ng bathroom na nasa itaas ng bedroom.

Gayundin, ang feng shui design ay proseso na isinasagawa sa initial stages ng pagtatayo o renovation ng bahay, habang ang feng shui decorating ay maaaring maisagawa ano mang oras gamit ang wastong feng shui cures.

Lady Choi