HATAW! D'yaryo ng Bayan hatawtabloid.com
ILOILO CITY – Basag ang ulo ng isang lalaki at kritikal naman ang kanyang kasama matapos masagasaan ng ambulansya at truck habang tumatawid sa Brgy. Tabuc Suba, Jaro, Iloilo City.
Ang biktimang namatay ay kinilalang si Crudjie Yap y Osano ng Brgy. 2 Poblacion, Cadic City, Negros Occidental.
Nilalapatan ng lunas sa West Visayas State University Medical Center ang kasama niyang si Jonel Blaida y Golapane.
Ayon sa barangay tanod na si Eli Siera, mabilis ang takbo ng ambulansiya na nakasagasa sa mga biktima at tumakas pa matapos ang insidente.
Nagkataon na may isa pang elf truck na dumaan at muling nasagasaan ang mga biktima dahilan ng pagkabasag ng ulo ni Yap.
Nahuli ng mga pulis ang driver ng elf truck na kinilalang si Zaldy Gonzales ngunit itinanggi niyang siya ang nakasagasa sa mga biktima.
