HATAW! D'yaryo ng Bayan hatawtabloid.com
NAKAPOSAS nang pagbabarilin hanggang mapatay ng mga hindi nakilalang suspek ang lalaking tadtad ng tattoo sa katawan sa Paco, Maynila iniulat kahapon.
Sa ulat ni PO3 Cris-pino S. Ocampo ng MPD homicide desk, inilarawan ang biktima na nasa 40 anyos, 5’10″ ang taas, fair complexion, katamtaman ang katawan, tadtad ng tattoo sa katawan, may tattoo na ‘Romeo Magleo’ sa dibdib.
Ayon kay PO3 Ocampo, dakong 8:30 ng gabi nang marinig ang sunud-sunod na putok ng baril sa kahabaan ng Perez St., Barangay 674, Zone 73, District 5.
Nakita ng mga barangay tanod sa lugar ang biktima na nakahandusay sa kalye, nakasuot ng itim na t-shirt na may mar-kang Cosac Vodka at violet na Los Angeles La-kers basketball shorts.
Sa eksaminasyon , nakita ang dalawang tama ng bala ng baril sa likod ng ulo ang biktima, isa sa kaliwang pisngi at isa sa leeg.
Ang mga suspek ay armado umano ng .9mm at kalibre .45 baril.
(leonard basilio/Daphney Ticbaen)
