HATAW! D'yaryo ng Bayan hatawtabloid.com
NANGANGAMBA ang mga empleyado ng DPWH sa lalawigan ng Camarines Norte para sa kanilang kaligtasan matapos holdapin ng tatlong kalalakihan ang P1.08 million payroll money kahapon sa loob mismo ng compound.
Ayon sa ulat, dakong 9:30 a.m. nang mangyari ang panghoholdap, ilang minuto lamang matapos i-withdraw sa isang banko ang nasabing ha-laga.
Nagtataka ang mga tauhan ng ahensya kung bakit tila kabisado ng mga suspek ang galaw sa loob ng kanilang opisina
Sinasabing ang bag lamang na may lamang pera ang derektang kinuha ng mga kawatan habang hindi pinansin ang ibang bag na dala ng mga empleyado.
Maging ang pagkakalagay ng CCTV camera ay mistulang alam na alam ng mga suspek dahil hindi man lang nakunan ang kanilang mga mukha.
Ang sasakyan naman ng mga holdaper ay napag-alamang walang plaka kaya mahirap matunton.
