Malinis na paligid, solusyon vs dengue

INIULAT ng Department of Health na ang dengue cases ay bumaba ng 7.6 porsyento mula sa 178,864 nitong 2012 ngunit sinabi ni DoH Assistant Secretary Eric Tayag, hindi siya makokontento hangga’t hindi nagiging zero dengue cases sa bansa.

Kahanga-hangang pahayag, ayon kay lady executive Ruth Marie Atienza, operations manager ng Mapecon Philippines. Ngunit aniya, batid ni Tayag na ito ay madaling sabihin kaysa gawin. Gayonman, hinihiling niya na magtagumpay ang DoH sa kanilang hangarin na tuluyang masugpo ang dengue.

Bagama’t humuhupa na ang pagkalat ng nasabing sakit, hindi pa rin dapat maging kampante ang mga tao, babala ni Ms. Atienza, idinagdag na ang kampanya ay dapat na gawing year-round community action. Ang malaki aniyang problema ay ang pagbalewala ng mga tao sa nasabing suliranin. Dahil sa asal ng mga tao na  “Wala akong pakialam” ay nahihirapan ang DoH na makamit ang kanilang layunin. Hindi sila nakikipagtulungan para masugpo ang nasabing sakit lalo na sa depress areas na lingid sa kanilang kaalaman ay sila rin ang higit na maaapektohan. Dapat panatilihin ng mga komunidad ang maayos at malinis na kapaligiran upang mapigilan ang pagkalat ng dengue.

Maaaring tumulong ang mga tao sa paglaban sa dengue gamit ang five-in-one mosquito catcher na umaakit ng mga lamok sa trap sa pamamagitan ng kominasyon ng sonar, phenomone (odor attractant), at blue light. Kapag lumapit sila sa trap, ang mga lamok ay hihigupin at mabibitag sa maliit na net. Ang trap ay available sa Mapecon.

Sinabi ni Ms. Atienza, ang higit na kapuri-puri ay ang payo ni Tayag na huwag magsasagawa ng fogging na aniya ay walang saysay laban sa airborne mosquitos. Bukod dito, lalo lamang aniyang tumi-tibay ang mga lamok sa insecticide.