HATAW! D'yaryo ng Bayan hatawtabloid.com
TODAS habang isinusugod sa pagamutan ang 67-anyos lola dahil sa bundol ng kaskaserong drayber ng motorsiklo kamakalawa ng umaga sa C-5 by-pass Road, Marikina City.
Kinilala ni P/SSupt. Reynaldo Jagmis, ang biktimang si Remedios Brazil, 67-anyos, ng 86 O. de Guzman St., Barangay Industrial Valley Complex (IVC) habang naaresto naman ang suspek na si Mark Gerente, 24, binata, bar tender ng 557 Boulivar St., Phase 10, Bankers Village, Guitnang Bayan I, San Mateo, Rizal.
Sa imbestigasyon ni P03 Celestino Foronda, dakong 10:00 ng umaga nang mangyari ang aksidente sa Industrial Valley sa lungsod.
Sa lakas ng impak, pumalo ang ulo ng matanda na agad din naisugod sa Amang Rodriguez Memorial Medical Center pero binawian ng buhay 4:30 ng hapon at idineklarang patay ni Dr. Marek Ibañez.
Kasong reckless imprudence resulting to homicide ang isinampang kaso laban sa suspek na nakakulong sa Marikina City Police detention cell.
(Ed Moreno)
