HATAW! D'yaryo ng Bayan hatawtabloid.com
NAKITA naman natin kung paano magtrabaho ang NBI dahil na rin sa kautusan ni Pangulong Noynoy Aquino kay Secretary Leila De Lima at NBI na kasuhan at paimbestigahan ‘yung mga fixer sa mga justices at mga prosecutor na mga kasabwat ni Janet Lim Napoles.
Diyan natin makikita kung gaano katatag ang NBI.
Kaya pinapapurihan natin si OIC NBI Director na si Atty. Medardo De Lemos at lahat ng Deputy Directors at mga NBI agent na nagtatrabaho para sa bayan.
Diyan natin makikita na seryoso ang tuwid na daan ni Pangulong Noynoy.
Masigasig ang buong NBI na kasuhan lahat ng mga illegal at kriminal sa buong bansa.
Nakita naman natin na patuloy na kinakasuhan lahat ng lumalabag sa batas sa ating bansa.
••••
Nakalulula ang Philhealth, malalaki rin pala ang bonus.
Nakaaawa naman ang Bureau of Customs dahil masyado naman ‘atang inaapi.
Ang dapat talagang paimbestigahan ay ang PAGCOR, DPWH, SSS, GSIS at ilan pang malalaking ahensiya ng gobyerno lalo na ‘yung government on controlled corporation.
Maawa naman kayo sa BoC dahil hindi naman corrupt ang mga ‘yan at hindi kagaya ‘yan ng SSS at Philhealth na malalaki ang bonus.
Panahon na para sibakin ang mga namumuno diyan sa SSS at Philhealth.
Lalo ‘yung mga corrupt na ahensiya ng gobyerno kagaya ng Immigration.
•••
Nakikiramay ako sa ating mga kababayan na naapektohan ng mga nagdaang delubyo sa ating bansa gaya ng bagong Santi sa Northern at Central Luzon at lindol sa Visayas at Mindanao.
Magdasal po tayo at lalo sana tayong tumatag sa ating pananampalataya.
Jimmy Salgado
