Neneng 5-anyos pinag-shabu, kelot arestado

“Imbes makapagturo at maging magandang impluwensiya, siya  pa ang nagtuturo at sapilitang pinahitit ng  shabu ang aking anak.”

Ito ang reklamo  ng ina ng 5-anyos nene na ginawang laruan at pilit na  pinahitit ng shabu ng isang adik sa  Caloocan City .

Agad naaresto ng mga awtoridad ang suspek na si Alvin Bejeramo, 22, residente  ng  1541 Salmon St., Brgy. 8, ng lungsod na nahaharap sa kasong Exploitation of Minor at nakapiit sa detention cell ng Caloocan City Police.

Sa ulat ng Women and Children Protection Desk (WCPD) Caloocan Police, nagsumbong sa kanyang ina ang biktimang itinago sa pangalang Susie,  sa ginagawa ng suspek na  sapilitang pagpapahitit ng shabu.

Agad nagsagawa ng operasyon ang mga awtoridad na nagresulta sa pagkaaresto sa suspek.

Nabatid na madalas na kapag bangag na bangag ang suspek at wala ang magulang ng biktima ay pilit itong pinagagamit ng shabu na napansin lamang ng ina dahil sa pagiging tulala nito at parang wala sa sarili ang bata.

(rommel sales)