HATAW! D'yaryo ng Bayan hatawtabloid.com
SINIBAK ang isang hepe ng Fire Department at dalawa niyang tauhan makaraang hindi mag-responde sa nangyaring sunog sa pampublikong mataas na paaralan sa Bgy. Unzad Villasis, Pa-ngasinan kamakalawa.
Ang mga sinibak ay kinilalang sina FO2 Gusta-vio Gonzales, FO3 Nor-berto Ricarde at ang kanilang hepe na si FO4 Millan Pangan.
Ang pagsibak sa tatlong BFP officers ay pormal na inihayag kahapon ni F/Inspector Jesus Mendoza, BFP provincial administrative officer ng Pangasinan, habang nagsasagawa ng imbestigasyon sa nangyaring sunog sa Unzad National High School na bigong respondehan ng mga bombero.
Nauna rito, binatikos ni Mayor Libradita Abrenica ang mga bombero sa kanilang bayan sa hindi pagres-ponde. Aniya, mas mabuti pa ‘yung mga bombero sa ibang ba-yan at nakapagres-ponde.
Naniniwala si Abrenica na hindi sana naabo ang mga silid-aralan ng mahigit 600 estudyante ng high school kung nagresponde ang mga bom-bero sa kanilang bayan.
(JAIME AQUINO)
