Gretchen, bubuweltahan ni Claudine?

ANO naman ang susunod na demanding isasampa ni Claudine Barretto? Ngayong naglabas na si Gretchen ng mga detalye na nagdidiin sa kanyang pagiging drug dependent, hindi kaya iyon naman ang buweltahan niya ng demanda, after all hindi ba’t sinasabing matagal na niya iyong gustong idemanda, ang gusto lang niya ay si Raymart ang magsampa ng kaso na tinanggihan naman ni Raymart at siyang naging simula ng kanilang gulo?

Kaya nga lang dahil sa mga nangyayari sa kanilang kampo, mukhang si Claudine pa ang nababaon sa mga usapan eh. Kaya nga mas maganda siguro kung titigilan na niya ang pakikipag-away sa kanyang mga kapatid, at manahimik na lang din at hayaan na ang korte ang magbigay ng desisyon sa kaso nilang dalawa ni Raymart. Kasalanan din naman ni Claudine eh, panay ang patawag niya ng press conference kaya siya nababalikan.                     (Ed de Leon)