HATAW! D'yaryo ng Bayan hatawtabloid.com
INILABAS NI SARGE ANG GAMIT NA PANTY, SINABI KAY KERNEL NA EBIDENSIYA SA KASONG RAPE VS MARIO
Napabuntong-hininga siya. “’Musta nga pala’ng anak natin?”
“Nakisuyo ako ke Aling Patring, pinaalagaan ko muna si bunso.”
Sumidhi ang pananabik ni Mario na mayakap ang kaisa-isang anak.
Samantala, iprinisinta ni Sarge kay Kernel bantog ang bag na lalagyan ni Mario ng baunan at damit na pantrabaho. Panis na ang kanin, pritong galunggong at pritong itlog ang nasa baunang plastik. Umalingasaw ang masamang amoy nang mabuksan ang bag sa ibabaw ng mesa ng opisyal.
“Ano ‘yan?” paninita ni Kernel Bantog kay Sarge.
“Sir, ebidensya sa kaso ni Dela Cruz,” ngising-aso ni Sarge.
Dinukot ng sarhento sa bulsa ng pantalong suot nito ang isang pambabang kasuotan ng mga kababaihan.
Nanlaki ang mga mata ni Kernel Bantog. “Ano naman ‘yan?”
Lalong lumuwag ang bibig ni Sarge sa pagkakangisi.
“’To kunwari, Sir, ang panty nu’ng isa sa pinakahuling biktima ng rape-slay,” anitong iwinawagayway ang isang bago ngunit gamit nang kasuotang pambabae. “Kunwari din ay narekober natin sa bag na ‘yan.”
“Ang testigo, ‘asan?” isinisinga-singa ang nalanghap na masamang amoy ng napanis na mga pagkain na nakulob sa bag ni Mario. (Itutuloy bukas)
Rey Atalia
