HATAW! D'yaryo ng Bayan hatawtabloid.com
NAIS ni Barangay Ginebra San Miguel na piliin si Ian Sangalang bilang top pick nito sa PBA Rookie Draft na gagawin sa Nobyembre 3 sa Robinson’s Place sa Malate, Maynila.
Kilala kasi ni coach Ato Agustin si Sangalang dulot ng kanilang pagsasama noon sa San Sebastian College sa NCAA.
Nais ni Agustin na gamitin si Sangalang para hasain ang running game ng Kings dahil kahit matangkad ang huli ay mabilis din itong tumakbo.
Ngunit isa pang puwedeng piliin ng Ginebra ay si Bobby Ray Parks kung itutuloy niya ang kanyang balak na magpalista sa draft at huwag nang maglaro sa National University sa susunod na taon.
Wala pang opisyal na pahayag si Parks tungkol sa bagay na ito mula noong natalo ang Bulldogs sa Final Four ng UAAP kontra University of Santo Tomas kamakailan. (J. Ty III)
