HATAW! D'yaryo ng Bayan hatawtabloid.com
CEBU CITY – Dahil sa takot na siya’y buntis, nagbigti ang 33-anyos babae na taga-Sitio Sumaria, Brgy. Madre dejos, Alegria, Cebu.
Ang biktima ay kinilalang si Josephine Lubrino, walang asawa at nakatira sa naturang lugar.
Ayon kay SPO1 Renato Abillar, Jr., ng Alegria Police Station, ang biktima ay naiwang mag-isa sa kanilang bahay at sa pagdating ng ama, nakita na lamang ang kanyang anak na nakabitin gamit ang lubid na itinali sa beam ng kanilang bahay.
Sa imbestigasyon ng pu-lisya, napag-alaman na ang biktima ay palaging tulala at nalulungkot dahil tatlong buwan na siyang hindi dinaratnan ng kanyang menstrual period at natatakot na baka siya’y buntis nang walang ama.
Nanghihinayang naman ang ama ng biktima na hindi nabigyan ng payo ang anak nang sa gayon ay hindi sana humantong sa pagkitil sa sariling buhay.
(BETH JULIAN)
