Tumitindi ang panawagang Hagdang Bato vs Crusis

Tumitindi ang panawagan para sa hinihinging laban ng dalawang kampeon—ang Hagdang Bato at Crucis.

Ito ang reaksiyon ng ilang karerista matapos mabatid na nag-alok ng malaking papremyo ang Philracom para maglaban ang alaga nina Mandaluyong City Mayor Benhur Abalos (Hagdan Bato) at dating Philracom Commissioner Marlon Cunanan (Crusis).

Sa Quezon City,  isang Off-track Betting station ang naglagay ng tarpaulin nina Hagdang Bato at Crusis na tila nagtatanong kung kalian magaganap ang laban ng dalawang kampeon.

Ang Hagdang Bato na  kinikilalang kampeon sa hanay ng local matapos siyang tanghaling Juvenile champion,Triple Crown  grand slam champion at Presidential Gold Cup habang si Crusis naman ang pumalit sa puwesto ni Juggling Act matapos niyang talunin sa Ordiales cup noong nakaraang buwan.

Nagkaroon ng interes na magharap ang dalawang kampeon sa publiko matapos magpakita ng magandang tiyempo ang alaga ni Cunanan na si Crusis ng impresibong panalo laban kay Juggling Act.

Sinasabing si Crusis ang magiging katapat ni Hagdang Bato at iyon ang kanilang panawagan—ang  magharap ang parehong kampeon.

Sa Cojuangco Cup, kung saan isang pakarera ng imported at local runner ang puwedeng paglabanan ng dalawa na may papremyong P2-milyon.

Abangan po natin ang sususod na mangyayri at dito lamang sa pitak na ito ninyo matutunghayan ang magiging kaganapan at tila isang hamon sa dalawang kampeon na kapwa nag-iiwasan na magkrus ang landas.

Ni andy yabot