Stern bibisita sa Pinas

KINOMPIRMA ni NBA Commissioner David Stern na darating siya sa Pilipinas upang obserbahan ang NBA Global Game ng Houston Rockets at Indiana Pacers sa Oktubre 10 sa Mall of Asia Arena sa Pasay.

Ang larong iyon ay bahagi ng maraming mga pre-season na laro ng NBA sa iba’t ibang mga bansa bago ang pagbubukas ng bagong season sa Nobyembre.

Kasama sa Rockets sa kanilang biyahe sa Maynila si Jeremy Lin at bukod sa Pilipinas, ganado si Lin na maglaro sa harap ng kanyang mga kababayan sa Taiwan sa Oktubre 13 kontra rin sa Pacers.

‘’I have no idea what to expect,’’ ani Lin. ‘’It’s a preseason game, so you never really know what’s going to happen in terms of the plan or minutes or whatever. But I just know it’s going to be two games against a really good team and the opportunity to work on some stuff. Hopefully give the fans across the world something to cheer about and a fun event to attend.’’ (James Ty III)