HATAW! D'yaryo ng Bayan hatawtabloid.com
Nahaharap sa kasong smuggling ang limang rice traders matapos sampahan ng Bureau of Customs (BoC) sa Department of Justice (DoJ).
Kinilala ni Customs Commissioner Ruffy Biazon ang mga kinasohan na sina Maricris Wu, may-ari ng Ocean Park Enterprises kasama ang customs broker na si Fares Fel Roma dahil sa paglabag sa Tariffs and Customs Code of the Philippines.
Ani Biazon, nagpuslit ng 10 twenty-footer container vans ang Ocean Park ng smuggled na bigas mula Myanmar na nagkakahalaga ng P6.650 mil-yon.
Sinampahan din ng kaparehong reklamo ang may-ari ng Vintage Eagle Marketing na si Julius Hinoo, kasama ang may-ari ng Mindanao Portal Enterprises at Zone Zodiac Commercial na sina Edmundo Acuno at Fernando Palingcod.
Paliwanag ng opisyal, nilabag ng mga negos-yante ang Customs Code nang tangkain nilang ipuslit sa bansa ang dalawang forty-footer container vans na naglalaman ng bigas galing Hong Kong at nagkakahalaga ng P1.5 milyon. Sinabi ni Biazon, sa pamamagitan ng bagong talagang Deputy Commissioner for Revenue Collection and Monitoring Group na si Editha Tan, mapag-iibayo pa ang kanilang pagsawata sa talamak na smuggling sa bansa. (LEONARD BASILIO)
