Salamin na nakaharap sa main door, bad feng shui?

BAKIT ikinokonsiderang bad feng shui ang salamin na nakaharap sa main door?

Ang salamin ang tinaguriang aspirin ng feng shui. Sa wastong posisyon ng salamin, mababago ang feng shui energy flow at makabubuo ng better feng shui sa bahay o opisina.

Ang salamin na nakaharap sa main door ang isa sa dalawang big taboos sa feng shui (ang pangalawa ay ang salamin na nakaharap sa kama).

Ang dahilan kung bakit hindi inirerekomenda ang salamin na nakaharap sa main door ay dahil itutulak ng salamin palayo ang lahat ng good feng shui energy na papasok sa bahay.

Sa feng shui, ikinokonsiderang sinasagap ng bahay ang enerhiya (Chi) sa pamamagitan ng main door katulad ng katawan ng tao na tinatanggap ang nutrisyon sa pamamagitan ng bibig. Ito ang dahilan kung bakit ang main door ay tinaguriang “the mouth of the house” sa feng shui.

Kaya kung mayroong salamin na direktang nakaharap sa main door, ang best feng shui advice ay ang alisin ito.

Kung hindi maaaring alisin ang salamin, katulad ng built-in mirror o kung umuupa ka lamang sa lugar, o kung mayroong mirrored closet doors na nakaharap sa main door, kailangan mong mag-isip ng solusyon.

Maaaring takpan ang salamin, o pintahan ito ng washable paint. Pwede ring maglagay ng malaking halaman sa harap ng salamin. O magsabit ng suitable size piece ng art sa harap ng salamin.

Lady Choi