HATAW! D'yaryo ng Bayan hatawtabloid.com
NAGWAGI si Kobe Paras sa slam dunk event na isang sideshow sa ginanap na FIBA 3×3 World Championships noong Linggo ng gabi sa Jakarta, Indonesia.
Tumalon si Paras habang nasa kanyang ilalim ang kanyang kakampi sa RP team na si Thirdy Ravena na nakasakay sa motorsiklo kaya hindi siya nahirapang manalo kontra kina Demonte Flannigan ng Estados Unidos at Antonio Morales ng Espanya.
Si Paras ay anak ng dating PBA superstar na si Benjie Paras.
Ang pagkapanalo ni Kobe sa slam dunk ay naging pambawi sa hindi pagpasok ng RP team sa quarterfinals ng 3×3.
Samantala, naging kampeon sa FIBA World 3×3 ang Argentina pagkatapos na talunin nito ang Pransya, 13-7, sa finals.
Tumapos ang mga Pinoy sa ranking na ika-18 na puwesto. (James Ty III)
