HATAW! D'yaryo ng Bayan hatawtabloid.com
Sa darating na Linggo ay idaraos na sa pista ng SLLP ang ikatlong yugto ng “Juvenile Stakes Races” para sa magkahiwalay na grupo ng kalalakihan at kababaihan na may edad na dalawang taong gulang.
Ang mga pinaleng naideklara sa grupo ng mga kalalakihan ay sina Kulit Bulilit, Lucky Man, Matang Tubig, Mr. Bond, Proud Papa, River Mist at Young Turk. Sa mga kababaihan naman ay sina Kukurukuku Paloma, Move On, Priceless Joy, Pure Enjoyment, Roman Charm at Up And Away.
Ang dalawang makalaking pakarerang iyan ay parehong lalargahan sa distansiyang 1,400 meters at may nakalaan na primera premyo na nagkakahalaga ng P 600,000.00 bilang groseng premyo.
Sa pagkakataong ito ay nais kong hilingin na samahan po ninyo ng panalangin si jockey Randy L. Lagrata na patuloy pa ring nakikipaglaban sa nangyaring insidente sa kanya nitong nakaraang linggo, na kung saan ay nalaglag siya sa kabayo.
Pero base sa impormasyon mula sa kanyang Facebook account ay may improvement naman. Magkagayon man ay patuloy nating ipagdasal na gumaling na si Randy. Diyos Mabalos.
Fred Magno
